К2 վիտամինն անհրաժեշտ է սրտի եւ ոսկրերի համար. news.am

Ոսկրերի եւ սրտի առողջության միջեւ ավելի լուրջ կապ կա, քան կարելի է ենթադրել: Օրինակ՝ սրտի հիվանդություններ ունեցող մարդկանց մոտ ոսկրի զանգվածի կորստի եւ կոտրվածքների վտանգը 6 անգամ ավելի է, քան առողջ սիրտ ունեցողների մոտ:

Ինչո՞ւ: Ամեն ինչ շատ պարզ է: Սրտաբան Դենիս Գուդմանը պարզաբանում է, որ K₂ վիտամինը չափազանց կարեւոր է ե՛ւ ոսկրերի, ե՛ւ սրտի առողջության համար: Այդ վիտամինի ոչ բավարար քանակության պատճառով սննդի հետ մեր օրգանիզմ թափանցող կալցիումը, ոսկրեր հասնելու փոխարեն, մնում է անոթներում:

Օրգանիզմում K₂-ի բավարար քանակության դեպքում կալցիումը հասնում է ոսկրերին եւ ամրացնում դրանք: Իսկ անոթներում կուտակվելու դեպքում առաջացնում է խցանում՝ հանգեցնելով սրտի եւ ուղեղի կաթվածի:

Վերջերս անցկացված հետազոտության շրջանակում, որի արդյունքները հրապարակվել են Journal of Nutrition ամսագրում, գիտնականները 10 տարի շարունակ հետեւել են 55 տարեկանից մեծ 4.807 կամավորների սրտի վիճակին եւ նրանց օրգանիզմում K₂ վիտամինի մակարդակին: Օրական 45 մկգ այդ վիտամինն օգտագործող մարդիկ 50%-ով ավելի քիչ են մահացել սրտային հիվանդությունների հետեւանքով եւ 25%-ով ավելի պակաս՝ ցանկացած այլ պատճառով:

Միակ խնդիրն այն է, որ այս վիտամինը սննդամթերքում բավականին քիչ է: Անհրաժեշտ 45 միկրոգրամ K₂ ստանալու համար հարկավոր է 3.5 կգ միս, 8 դեղնուց կամ 85 գրամ պանիր ուտել, կամ էլ 5 լիտր կաթ խմել:

Հարցեր, պատասխաններ, մեկնաբանություններ